Startups polo miúdo: TasteLab, da sensación a datos que melloran os alimentos

A sección de "Startups polo miúdo" pretende ser ese pequena porta de entrada a coñecer proxectos galegos con tecnoloxía de fondo. Facémolo con moito mimo, poñendo foco no máis importante deste ecosistema: as persoas e os seus proxectos.

No día de hoxe estamos a falar con Maruxa Quiroga de Tastelab, unha empresa que, en esencia, transforma a percepción sensorial en datos de cara a mellorar os produtos alimentarios.

1.     E logo... que? [Describe cunha frase a túa startup]

[TasteLab]: TasteLab comercializa o software líder no mercado, SENSESBIT, unha tecnología que transforma a percepción sensorial humana en datos obxectivos tanxibles para que a industria alimentaria tome decisións baseadas nos consumidores finais.

Por exemplo para mellorar ou optimizar o sabor, a textura, incluso a propia experiencia de uso do producto, etc.

2.     E vos de quen vides sendo? [Describir brevemente o equipo fundador e como se coñeceu, onde estades ubicados..]

[TasteLab]:  TasteLab nace en 2015 como spin-off da Universidade de Santiago de Compostela, resultado da miña tese de doutoramento tras estudar inxenería agrícola.

Sendo o noso ADN científico, fomos capaces de transformar ese coñecemento, en coñecemento de negocio aplicable, xerando insights estratéxicos e accionables para a toma de decisións empresariais.

3. Outra vaca no millo. [Cal foi o problema que queriades resolver cando lanzáchedes o proxecto?]

[TasteLab]: Mais do 80% dos productos que se lanza ao mercado fracasan. Estábamos de verdade preguntando ao consumidor si quere ou non quere ese producto?

Queríamos darlles ás empresas unha ferramenta, o software SENSESBIT, que lles permitara poñer ao consumidor no centro, para medir e analizar o impacto sensorial dos seus productos no consumidor e tomar decisión informadas nos departamentos de marketing, I+D e calidade.

4.     Malo será que non academos... [Próximos pasos. Que obxectivos tedes?]

[TasteLab]: Somos ambiciosos como sempre fomos. Os nosos próximos pasos inclúen seguir coa expansión de SENSESBIT no mercado internacional, agora mesmo estamos en 9 mercados principalmente mercado LATAM, queremos afianzarnos neles e expandir a outos.

5.     Cantos cartos tedes no banco? [Esta pregunta busca entender en que momento vos atopades: se fixechedes algunha rolda ou estades agora en rolda ou facedes bootstraping. A idea é que respondades unha horquilla ou que digades que agora mesmo "temos pasta porque fixemos a rolda en...." similar. Esto servirá para darvos visibilidade cos inversores :) ]

[TasteLab]: Estamos inmersos en pleno proceso de captación de investimento para levar a tecnoloxía a un novo nivel, escalar o negocio e ser o software número un no mercado internacional.

6.   Na miña terra, faise así. [Cáles son os vosos valores? Traballo remoto ou presencial? Como coidades do talento?]

[TasteLab]: Os nosos valores baséanse na innovación, o rigor científico e a aplicación práctica da tecnoloxía.

O noso modelo de traballo é híbrido, combinando presencialidade con traballo remoto, facilidades horaria e conciliación. Apostamos sempre pola formación continua e captamos talento especializado.

7.   Son máis listos ca un allo... [Un emprendedor de referencia ao que admires. Por que? Unha startup galega que recomendedes. Por que?]

[TasteLab]: Un emprendedor de referencia que admiro é Sergio Martínez, CEO de Innolact. Procedente do ámbito do I+D, soubo transformar o valor dun produto en negocio, creando unha empresa innovadora e competitiva no sector alimentario. O seu enfoque na posta en valor da diferenciación e a calidade é un exemplo claro de como a innovación pode xerar impacto real no mercado.

Unha startup que recomendo é Neboda, unha empresa de granxa vertical única no mercado internacional. Destácase non só polo seu labor moi diferenciado, senón tamén pola súa capacidade para optimizar recursos, facendo máis eficiente, sabrosa e sostible a produción de alimentos. Neboda representa o equilibrio perfecto entre sabor, innovación, sustentabilidade.

8.    A camiño longo pasos pequenos. [Carta aos Reis Magos: Que falta no ecosistema emprendedor galego?]

[TasteLab]: O ecosistema galego necesita máis conexión entre startups e industria, así como acceso a financiamento especializado en deep tech. Tamén sería clave unha maior aposta por hubs de innovación que faciliten a transferencia tecnolóxica e aceleren a saída ao mercado de proxectos con potencial.

Moitas grazas, Maruxa, por ternos falado do seu marabilloso proxecto empresarial.

Seguiremos compartindo máis historias reais de proxectos nados en Galicia nesta sección. E ti, queres aparecer neste espazo de ''Startups polo o Miúdo''? Contacta connosco en info@startup.gal