A eSmorGa SG nace como unha oportunidade de afterwork diferente, na que poder coñecer a persoas con distintos perfís do ecosistema de emprendemento innovador galego. Nesta V edición decidimos xuntarnos o xoves 18 de abril ás 19:00h no mercado da Galiciana.

A separación de residuos de competencia local (procedentes de fogares, restaurantes ou comercios) continúa sendo unha materia pendente en Galicia. Esta conclusión despréndese dun panel elaborado pola empresa tecnolóxica galega TEIMAS, socia da comunidade de emprendedores Startup Galicia, especializada en dixitalización da xestión de residuos, a partir de datos solicitados á Consellería de Medio da Xunta de Galicia.

ABANCA, entidade colaboradora de Startup Galicia, acaba de abrir o prazo de inscrición para participar na oitava edición do Programa para Startups de ABANCA Innova, unha iniciativa feita a medida de empresas emerxentes con propostas de valor innovadoras nos sectores de fintech, insurtech, regtech ou cibersecurity. O programa mantén a formulación das súas edicións anteriores e oriéntase a proxectos en etapas temperás, con produto no mercado, pero tamén a startups xa consolidadas con tracción e métricas recorrentes.