Startups polo miúdo: GalInsect, convertindo insectos en fonte de alimentación

As startups galegas tocan moitos ámbitos, nos que innovan e propoñen enfoques diferentes a problemas reais. Nós queremos que todas teñan visibilidade e cas entrevistas de "Startups polo miúdo" poñemos foco no máis importante deste ecosistema: as persoas e os seus proxectos.

Falamos hoxe con Rubén Recamán, co-fundador e CEO de Galnsect. Como é isto? Pois Galinsect adícase a criar insectos para xerar unha base de alimentación útil e sostible. Todo, dende Galicia.

Imos adiante con Rubén!

1.     E logo... que? [Describe cunha frase a túa startup]

[Galinsect]: Somos unha empresa especializada na revalorización de residuos e subprodutos mediante o emprego de insectos, co obxectivo principal de desenrolar produtos de alto valor engadido para a industria química.

2.     E vos de quen vides sendo? [Describir brevemente o equipo fundador e como se coñeceu, onde estades ubicados..]

[Galinsect]: O equipo promotor o conformamos 5 rapaces de Vigo, amigos dende cativos, que compartíamos o mesmo interés de poder crear un proxecto empresarial común.

3. Outra vaca no millo. [Cal foi o problema que queriades resolver cando lanzáchedes o proxecto?]

[Galinsect]: Inicialmente buscábamos obter fontes de proteína alternativas de xeito máis sustentable á gandería tradicional.

4.     Malo será que non academos... [Próximos pasos. Que obxectivos tedes?]

[Galinsect]: Desenrolar a nosa primeira planta de biorrefinería para obter produtos de alto valor engadido, como son a quitina, enzimas proteasas, proteínas hidrolizadas e ácidos graxos.

5.     Cantos cartos tedes no banco? [Esta pregunta busca entender en que momento vos atopades: se fixechedes algunha rolda ou estades agora en rolda ou facedes bootstraping. A idea é que respondades unha horquilla ou que digades que agora mesmo "temos pasta porque fixemos a rolda en...." similar. Esto servirá para darvos visibilidade cos inversores :) ]

[Galinsect]: Agora mesmo estamos inmersos na nosa primeira rolda de financiación, coa que esperamos obte-los cartos necesarios para levar ao cabo a nosa primeira planta de produción. (Contamos cunha subvención de ó redor de 450.000€ que cubre un 60% dos custes de inversión na planta).

6.   Na miña terra, faise así. [Cáles son os vosos valores? Traballo remoto ou presencial? Como coidades do talento?]

[Galinsect]: O noso xeito e política de traballo vai enfocada a resultados e non tanto a unha presencialidade obligatoria nunha xornada horaria definida. Cada integrante do noso proxecto é responsable da súa propia xornada e do seu emprego dos medios dispoñibles para acadar eses obxectivos.

7.   Son máis listos ca un allo... [Un emprendedor de referencia ao que admires. Por que? Unha startup galega que recomendedes. Por que?]

[Galinsect]: Destacaríamos como emprendedor a Juan Fernández de KeyBiological, pola súa determinación e bo facer ós mandos da súa empresa.

Unha startup que recomendamos sería Hifas da Terra, xa que de certo xeito nos vemos identificados en como foron innovando e orientando os seu modelo de negocio cara sectores máis biotecnolóxicos.

8.    A camiño longo pasos pequenos. [Carta aos Reis Magos: Que falta no ecosistema emprendedor galego?]

[Galinsect]: Pensamos que o ecosistema emprendedor galego precisa de maiores fontes e recursos de financiación, así como préstamos ó emprendimiento con mellores condicións de acceso e de pago.


Rubén, grazas por contarnos o teu proxecto e compartir ca comunidade un negocio distinto.

Seguiremos compartindo máis historias reais de proxectos nados en Galicia nesta sección. E ti, queres aparecer neste espazo de ''Startups polo o Miúdo''? Contacta connosco en info@startup.gal