Queres ser a nova persoa que traballe en Startup Galicia?

A nosa asociación está dando un paso adiante para empurrar e dinamizar moito máis o ecosistema de emprendemento en Galicia e, para iso, precisamos de unha persoa que nos axude no día a día a realizar todas as tarefas de coordinación de Startup Galicia.

En que consiste a oferta de traballo? Ofrecemos un posto de responsabilidade a media xornada e con moita flexibilidade para desenvolver diversas tarefas que comprenden a xestión das comunicacións e das relacións da asociación con todas as partes integrantes do ecosistema, a organización de eventos e a realización de certos trámites administrativos.

Queremos contar cunha persoa moi comunicativa, proactiva, con autonomía e que desexe sumar valor ao ecosistema, sen necesidade de ter unha titulación específica. Se queres saber máis, bótalle un ollo en profundidade á oferta de traballo:

Descarga a oferta de traballo en pdf  

Queres aplicar a coordinador/a de Startup Galicia? Soamente tes enviar un vídeo , explicando por que es a persoa axeitada para o posto, a info (at) startup (dot) gal, co asunto "Coordinadora SG"