“Materiais baseados en materias primas secundarias”. Ciclo “Sustentabilidade e circularidade dos materiais”

Cargando eventos

« Todos os eventos

  • Este evento pasou.

“Materiais baseados en materias primas secundarias”. Ciclo “Sustentabilidade e circularidade dos materiais”

Abril 28 @ 10:00 AM - 2:00 PM

A Materioteca de Galicia pon en marcha un ciclo de catro workshops en formato híbrido destinados a explorar as oportunidades de innovación que representan os novos materiais en relación con procesos que aumentan a vida útil dos produtos e reducen o impacto ambiental a través da recuperación, a reutilización, a reciclaxe e o ecodeseño.

O ciclo “Sustentabilidade e circularidade dos materiais”, organizado pola Xunta de Galicia a través da Axencia Galega de Innovación, comeza o 28 de abril no CIS Tecnoloxía e Deseño (Ferrol) coa presentación de materiais baseados en materias primas secundarias.

Este workshop permitirá coñecer experiencias de revalorización de residuos e subprodutos en forma de novos materiais capaces de paliar a dependencia da importación e da explotación de recursos naturais.

Durante a primeira parte da xornada, que será retransmitida online, representantes das empresas Rir&Co, Cholita Recicla e Extraco e de dous grupos de investigación da Universidade da Coruña expoñerán as súas propostas de materiais téxtiles e para a construción e o mobiliario urbano.

A continuación, terá lugar un taller práctico de carácter presencial a cargo de Materially no que tamén será presentado un estudo estratéxico sobre materiais baseados en materias primas secundarias.

Este evento é de especial interese para profesionais do deseño, da enxeñaría e da construción.

Detalles

Data:
Abril 28
Hora:
10:00 AM - 2:00 PM
Categoría do Evento:
Páxina web:
http://gain.xunta.gal/eventos/480/workshop+

Recinto

CIS Tecnoloxía e Deseño
A Cabana, s/n
Ferrol, 15590 España
+ Google Map
Ver a Páxina Web do Recinto