IV Encontro de Deseño para a Innovación Empresarial

Cargando eventos

« Todos os eventos

  • Este evento pasou.

IV Encontro de Deseño para a Innovación Empresarial

Xuño 29 @ 9:30 AM - 12:00 PM

De balde

A Axencia Galega de innovación (Gain) organiza o vindeiro 29 de xuño a cuarta edición do seu Encontro de Deseño para a Innovación Empresarial, que volve ao CIS Tecnoloxía e Deseño (Ferrol) en formato mixto presencial-virtual para conmemorar o Día Mundial do Deseño Industrial.

A cita está aberta a profesionais do deseño de todas as disciplinas (industrial, gráfico, de produto, organizacional, dixital e multimedia), estudantes desta especialidade e representantes de empresas e outras entidades interesadas en potenciar o deseño como ferramenta de innovación e competitividade nas súas organizacións. A inscrición para a asistencia presencial estará aberta ata completar o aforo permitido con base nas restriccións sanitarias e o evento poderá seguirse tamén en streaming.

Nesta edición ponse o foco no papel do deseño e dos procesos creativos na innovación sobre catro áreas estratéxicas: o reto climático, a transformación dixital, a competitividade empresarial e o benestar social. Isto conecta directamente coas prioridades do Programa de Deseño para a Innovación e a Sustentabilidade 2024, que será presentado durante o evento, xunto coas axudas do novo programa Deseña Peme e a próxima edición dos Premios Galicia de Innovación e Deseño.

Os asistentes terán ocasión de coñecer a visión de varios grupos de expertos sobre deseño para a sustentabilidade, a transición cara a economía creativa, a iniciativa New European Bauhaus e o posicionamento de Galicia como referencia sustentable, transformadora e diferencial. Isto completarase coa presentación de varios proxectos de innovación aberta participados ou liderados por empresas galegas nos que o deseño é o elemento clave para a lograr produtos ecoeficientes e ligados á innovación responsable.

Detalles

Data:
Xuño 29
Hora:
9:30 AM - 12:00 PM
Custe:
De balde
Páxina web:
http://gain.xunta.gal/eventos/388/iv+encontro+deseno+innovacion+empresarial

Protagonista

GAIN
Páxina web:
gain.xunta.es

Recinto

Evento Virtual