EspazoCoop organiza o obradoiro “Habilidades e competencias para o traballo en equipo en cooperativas” no marco da Rede Eusumo e que forma parte do programa “A cooperativa alternativa de emprego para a mocidade galega”.

Este curso de teleformación terá unha duración total de 20 horas que se levarán a cabo entre o 18 de abril e o 2 de maio de 2023 a través da Aula Virtual de EspazoCoop.

Ademais, realizaranse dúas sesións vituais de aprendizaxe os días 19 e 28 de abril en horario de 12:00 h a 13:30 h co obxectivo de poder complementar os contidos teóricos do curso coa realización de actividades prácticas e dinámicas.

O obxetivo principal é desenvolver as habilidades persoais claves no traballo colaborativo e descubrir como aplicalas nunha contorna cooperativa, así como coñecer os recursos e as metodoloxías que axudan a traballar e mellorar as habilidades sociais.

As destinatarias son persoas mozas, tanto desempregadas como emprendedoras, ou incluso ocupadas, que teñan interese en desenvolver un proxecto de emprendemento cooperativo. Darase prioridade a aquelas que se atopen en situación de risco de exclusión.

O programa tratará as seguintes temáticas:

• A comunicación
• O traballo en equipo
• A toma de decisións
• O liderado nas cooperativas

Podes inscribirte a través deste formulario.

Consulta o cartel completo desta actividade.

Para máis información contacta con patane@espazo.coop ou 697 877 773.