espazoCoop organiza o curso “Emprendemento cooperativo para a mocidade” no marco da Rede Eusumo.

Levarase a cabo entre o 28 de marzo e o 10 de abril de 2023 en modalidade de teleformación a través de www.aulaespazocoop.com e terá unha duración de 20 horas.

Este obradoiro está dirixido a persoas mozas, tanto desempregadas como emprendedoras, ou incluso ocupadas e con interese en desenvolver un proxecto de emprendemento cooperativo.

O obxectivo é achegar o modelo cooperativo á mocidade, mostrándolles as condicións e os pasos que hai que dar para emprender neste modelo, así como os recursos e as medidas de apoio existentes que favorecen o emprendemento.

Durante o desenvolvemento desta actividade, seguirase o seguinte programa:

Módulo 1. O emprendemento. A situación da mocidade no empego

Módulo 2. O cooperativismo de traballo como alternativa de emprego

Módulo 3. Organización e financiamento. Apoios para o emprendemen to da mocidade

Módulo 4. Experiencia cooperativa. O caso das cooperativas xuvenís

Celebraranse dúas sesións virtuais de aprendizaxe ao inicio e finalización do curso en quenda de mañá.

As inscricións realizaranse a través deste formulario.

Consulta o cartel completo.

Para máis información visita www.espazo.coop ou ponte en contacto a través de patane@espazo.coop | 881 887 456 – 697877773.