A Consellería de Economía, Industria e Innovación, a través da Axencia Galega de Innovación, celebra o vindeiro 25 de abril a sétima edición do Encontro de Deseño para a Innovación Empresarial en Galicia.
O evento, co que a Xunta de Galicia conmemora o Día Internacional do Deseño, celebrarase no CIS Tecnoloxía e Deseño (Ferrol), no marco do Programa de Deseño para a Innovación e a Sustentabilidade 2024 – DIFERENZA.
A cita está aberta a profesionais do deseño de todas as áreas de especialización (gráfico, estratéxico, de espazos, dixital, de moda e industrial e de produto), estudantes e representantes de empresas e outras entidades interesadas en potenciar o deseño como ferramenta de innovación, competitividade e sostibilidade nas súas organizacións.
Nesta edición ponse o foco na relación entre o deseño, a tecnoloxía e o impacto económico. As persoas asistentes terán ocasión de coñecer a visión de profesionais de distintas disciplinas, dende o deseño gráfico e de produto dixital ata o deseño de servizos centrado na experiencia de usuario, que explicarán a súa interacción actual e futura coa tecnoloxía e como esta simbiose impacta no desenvolvemento económico.
Detalles
Data:
4/25/2024
Hora:
10:00 am
-
2:00 pm
Categoría do Evento:
Heading
Suscríbete as novidades de Startup Galicia
Recibe cada mes no teu correo as novidades máis importantes do ecosistema galego.
Novas recentes en Startup Galicia
¿Queres saber o que está a pasar?
.png)
